Folder Management (Apna Kaam Sahi Se Rakhein) : Lesson 09 — ComputerSeekhoAurJobPao

Lesson 09: Folder Management (Apna Kaam Sahi Se Rakhein)

Hinglish English हिन्दी

Aap Kya Seekhenge?

Office mein aapko hazaron files milengi. Agar aapne unhe folders mein nahi baanta, toh aapka kaam bikhra rahega aur zaroorat ke waqt kuch nahi milega.

1. Naya Folder Kaise Banayein? (Create)

Sabse pehle wahan jayein jahan folder banana hai (Jaise D: Drive ya Documents). Phir ye steps follow karein:

Step 1: Khali jagah par mouse ka Right-click karein.
Step 2: List mein New > Folder par click karein.
Step 3: Turant naam type karein aur Enter dabayein.

Shortcut: Ctrl + Shift + N

2. Folder ka Naam Badalna (Rename)

Default naam "New Folder" hota hai, lekin ise badalna zaroori hai:

  • Mouse se: Folder par Right-click karein aur Rename (pencil icon) par click karein.
  • Keyboard Shortcut: Folder ko select karein aur F2 dabayein.

3. File ko Move aur Copy Karna

Cut & Paste (Uthana): Ctrl + X se file cut karein, folder ke andar jaakar Ctrl + V dabayein. (Purani jagah se file hat jayegi).
Copy & Paste (Nakal): Ctrl + C se copy karein aur Ctrl + V se paste karein. (Dono jagah file rahegi).

4. Zip Folder: Files ka Bundle Banana

Office mein jab email par bahut saari files bhejni hoti hain, toh hum unhe "Zip" karte hain (yani ek bundle mein pack karna).

Kaise karein: Folder par Right-click karein > Send to > Compressed (zipped) folder par click karein.

Zaroori Glossary

  • Sub-folder: Ek folder ke andar wala doosra folder.
  • Recycle Bin: Computer ka kudedaan jahan se delete ki hui file Restore (wapas) ki ja sakti hai.
  • Zip: Kayi files ko ek choti file mein pack karna taaki email bhejte waqt asani ho.

Aaj ki Practice

1. D: Drive ya Documents mein naya folder banayein: "My Practice".
2. Uske andar do sub-folders banayein: "Letters" aur "Bills".
3. Kisi purani file ko copy karke "Letters" folder mein paste karein.
4. "My Practice" folder ko Zip karke dekhein.
Tip: "Har hafta Desktop ki safai karein. Jo files zaroori hain, unhe sahi folders mein move karein. Ek saaf computer operator hamesha tez kaam karta hai!"
← Previous Home Next →
Home | About | Index | Welcome | Contact | Privacy Policy

Comments

Post a Comment

Popular posts from this blog

Computer ON OFF Kaise Karein (Desktop & Laptop) | 01

Lesson 01: Computer/Laptop ON aur OFF Kaise Karein? Hinglish English हिन्दी Table of Contents Desktop ON Kaise Karein? Laptop ON Kaise Karein? OFF (Shut Down) Kaise Karein? Hinglish Glossary Important Tip Aapne aksar dekha hoga ki office mein log aate hi fatfat kaam shuru kar dete hain. Lekin ek naye insaan ke liye sabse bada sawaal yahi hota hai ki — "Bhai, ye button kahan hai?" 💡 Agar aapko yeh sab basic lag raha hai, toh yaad rakhiye — har expert ne yahin se start kiya tha. Yeh step strong hoga, toh aage ka learning easy ho jayega. Is post mein hum desktop aur laptop dono ko sahi se chalana aur band karna sikhenge. 📌 Is lesson ke baad aap confidently computer ON aur OFF kar paayenge — bina kisi help ke. 1. Computer (Desktop) ON Kaise Karein? Desktop wo hota hai jisme dabba (CPU) aur scre...
Read more

HTML Symbol Codes: CSS, Unicode, Arrows, Currency

Copy and paste HTML symbol codes, Unicode characters, CSS codes, decimal and hex values for arrows, currency, math symbols and more. This tool lets you instantly search, filter and copy HTML, CSS and Unicode symbol codes without scrolling through long static lists. What are HTML symbol codes? HTML symbol codes are used to display special characters like arrows, currency signs and math symbols on websites. You can use HTML entities, Unicode, CSS content codes, decimal or hex values. Symbol Reference HTML, CSS & Unicode symbol codes Find your symbol. Copy the code. Done. Sym Name Cat Named Decimal Hex CSS Unicode Win Mac Use Win: Win + . opens symbol picker  |  Mac: Ctrl + Cmd + Space opens character viewer  |  Mobil...
Read more

File Kya Hai aur Inhe Pehchaane Kaise : Lesson 10 — ComputerSeekhoAurJobPao

Lesson 10: File Kya Hai aur Inhe Pehchaane Kaise? Hinglish English हिन्दी Aap Kya Seekhenge? File ki Pehchaan (Extension) Office ki Common Files File ki "Property" aur Details View Refresh Karna: F5 Shortcut Folder ek "Dabba" hai, lekin uske andar jo saaman hota hai usey File kehte hain. Computer mein har ek photo, letter ya gaana ek file hi hai. 1. File ki Pehchaan (Extension) Jaise hamare naam ke piche 'Surname' hota hai, waise hi har file ke naam ke piche ek Extension hota hai jo batata hai ki wo kis tarah ki file hai. Example: Report.docx Yahan "Report" file ka naam hai aur .docx batata hai ki ye ek Word Document hai. 2. Office mein kaam aane wali Common Files File Type Extension Kya hota hai? ...
Read more