Computer ki Drives aur Library (Saaman kahan rakha jata hai) : Lesson 08 — ComputerSeekhoAurJobPao

Lesson 08: Computer ki Drives aur Library (Saaman kahan rakha jata hai?)

Hinglish English हिन्दी

Aap Kya Seekhenge?

Jab aap apne ghar mein enter karte hain, toh wahan alag-alag kamre hote hain (Kitchen, Bedroom, Store Room). Computer ke andar bhi saaman rakhne ke liye aise hi "Kamre" hote hain jinhe hum Drives aur Folders kehte hain.

1. This PC (My Computer): Ghar ka Main Darwaza

Desktop par aapko ek computer jaisa icon dikhega jis par This PC ya My Computer likha hoga. Isey double-click karke kholne par aapko computer ki poori memory dikhayi degi.

2. Hard Disk aur "Drives" (C, D, E)

Computer ki memory ko bade-bade hisson mein baanta jata hai, jinhe Drives kehte hain:

Local Disk (C:): Yeh sabse zaroori drive hai. Isme computer ke saare softwares aur "Windows" rehti hai.
Pro Tip: Office mein apna personal data kabhi C: drive mein na rakhein, kyunki computer format hone par ye saaf ho sakti hai.
Local Disk (D: ya E:): Yeh aapki "Almari" hai. Office ka saara zaroori kaam aur files hamesha yahan save karni chahiye.

Note: Agar aapke computer mein sirf C: drive hi hai, toh aap usi mein kaam rakhein. Lekin yaad rakhein ki Desktop, Documents aur Downloads folders bhi C: drive ka hi hissa hote hain.

3. Windows Explorer ki "Libraries" (Ready-made Folders)

Windows aapko pehle se bane-banaye folders deta hai taaki aapka kaam bikhra hua na rahe:

  • Documents: Yahan aap apni likhi hui files (Word, Excel) rakhte hain.
  • Pictures: Saari photos yahan save hoti hain.
  • Downloads: Internet se jo bhi cheez aap download karte hain, wo sabse pehle isi folder mein aati hai.

4. File Explorer: Saaman Dhoondne ka Rasta

Jab aap koi bhi folder kholte hain, toh jo window khulti hai usey File Explorer kehte hain.

Address Bar: Yeh batata hai ki aap abhi kis drive ya folder ke andar hain.
Back Button (←): Pichle folder mein wapas jaane ke liye.
Search Box: Agar koi file dhoondne mein mushkil ho, toh uska naam yahan type karein.

Zaroori Glossary

  • Drive: Computer ki memory ka bada hissa (C:, D:).
  • Path: Kisi file ka pura address (Jaise: D Drive > Office Work > Bill.pdf).
  • Sidebar: Explorer mein left side wali patti jahan shortcuts hote hain.

Aaj ki Practice

1. Desktop par This PC ko double-click karke kholein.
2. Dekhein ki aapke computer mein kitni Drives hain (C, D, ya E).
3. Left panel mein Downloads folder par click karke dekhein wahan kya-kya pada hai.
4. Documents folder kholein aur wahan khali jagah par Right-click karke options dekhein.
Tip: "Hamesha koshish karein ki aapka kaam (D:) ya (E:) drive mein ho. Isse agar computer ki Windows kharab bhi ho jaye, toh aapka office ka data safe rahega!"
← Previous Home Next →
Home | About | Index | Welcome | Contact | Privacy Policy

Comments

Post a Comment

Popular posts from this blog

Computer ON OFF Kaise Karein (Desktop & Laptop) | 01

Lesson 01: Computer/Laptop ON aur OFF Kaise Karein? Hinglish English हिन्दी Table of Contents Desktop ON Kaise Karein? Laptop ON Kaise Karein? OFF (Shut Down) Kaise Karein? Hinglish Glossary Important Tip Aapne aksar dekha hoga ki office mein log aate hi fatfat kaam shuru kar dete hain. Lekin ek naye insaan ke liye sabse bada sawaal yahi hota hai ki — "Bhai, ye button kahan hai?" 💡 Agar aapko yeh sab basic lag raha hai, toh yaad rakhiye — har expert ne yahin se start kiya tha. Yeh step strong hoga, toh aage ka learning easy ho jayega. Is post mein hum desktop aur laptop dono ko sahi se chalana aur band karna sikhenge. 📌 Is lesson ke baad aap confidently computer ON aur OFF kar paayenge — bina kisi help ke. 1. Computer (Desktop) ON Kaise Karein? Desktop wo hota hai jisme dabba (CPU) aur scre...
Read more

HTML Symbol Codes: CSS, Unicode, Arrows, Currency

Copy and paste HTML symbol codes, Unicode characters, CSS codes, decimal and hex values for arrows, currency, math symbols and more. This tool lets you instantly search, filter and copy HTML, CSS and Unicode symbol codes without scrolling through long static lists. What are HTML symbol codes? HTML symbol codes are used to display special characters like arrows, currency signs and math symbols on websites. You can use HTML entities, Unicode, CSS content codes, decimal or hex values. Symbol Reference HTML, CSS & Unicode symbol codes Find your symbol. Copy the code. Done. Sym Name Cat Named Decimal Hex CSS Unicode Win Mac Use Win: Win + . opens symbol picker  |  Mac: Ctrl + Cmd + Space opens character viewer  |  Mobil...
Read more

File Kya Hai aur Inhe Pehchaane Kaise : Lesson 10 — ComputerSeekhoAurJobPao

Lesson 10: File Kya Hai aur Inhe Pehchaane Kaise? Hinglish English हिन्दी Aap Kya Seekhenge? File ki Pehchaan (Extension) Office ki Common Files File ki "Property" aur Details View Refresh Karna: F5 Shortcut Folder ek "Dabba" hai, lekin uske andar jo saaman hota hai usey File kehte hain. Computer mein har ek photo, letter ya gaana ek file hi hai. 1. File ki Pehchaan (Extension) Jaise hamare naam ke piche 'Surname' hota hai, waise hi har file ke naam ke piche ek Extension hota hai jo batata hai ki wo kis tarah ki file hai. Example: Report.docx Yahan "Report" file ka naam hai aur .docx batata hai ki ye ek Word Document hai. 2. Office mein kaam aane wali Common Files File Type Extension Kya hota hai? ...
Read more