Basic File Operations (Copy, Move, Delete, Rename) : Lesson 11 — ComputerSeekhoAurJobPao

Lesson 11: Basic File Operations (Copy, Move, Delete, Rename)

Hinglish English हिन्दी

Aap Kya Seekhenge?

Pichle lesson mein aapne Files ko pehchanna seekha. Ab hum seekhenge ki un files ke saath office mein "Hera-Pheri" kaise ki jaati hai—yaani unhe ek jagah se dusri jagah le jana, naam badalna ya bekaar files ko hatana.

1. File ka Naam Badalna (Rename)

Tareeka 1 (Mouse): File par Right-click karein aur Rename (pencil icon) par click karein.
Tareeka 2 (Shortcut): File par click karein aur keyboard se F2 dabayein.

2. Copy vs Cut (Nakal vs Transfer)

  • Copy (Ctrl + C): Isse file purani jagah bhi rehti hai aur nayi jagah bhi aa jati hai.
  • Cut (Ctrl + X): Isse file purani jagah se hat jati hai aur nayi jagah chali jati hai.
  • Paste (Ctrl + V): Copy ya Cut ke baad nayi jagah par Paste dabana zaroori hai.

3. Files ko Delete karna aur Restore karna

Galti se delete hui file ko wapas laane ke liye Desktop par Recycle Bin ka use karein:

Delete: File select karke Delete button dabayein.
Permanent Delete: Shift + Delete dabane se file Recycle Bin mein nahi jayegi aur hamesha ke liye delete ho jayegi.

4. Ek saath bahut saari Files chunna (Selection)

  • Sab chunne ke liye: Ctrl + A dabayein.
  • Ek-ek karke chunne ke liye: Ctrl button dabaye rakhein aur mouse se files par click karte jayein.

Office Operation Table

Kaam Shortcut Mouse Tareeka
Naam Badalna F2 Right-click > Rename
Nakal (Copy) Ctrl + C Right-click > Copy
Uthana (Cut) Ctrl + X Right-click > Cut
Rakhna (Paste) Ctrl + V Right-click > Paste
Sab Select Karna Ctrl + A Mouse se ghera (box) banana

Zaroori Glossary

  • Clipboard: Computer ki temporary memory jahan copy kiya hua saaman rehta hai.
  • Restore: Delete ki hui cheez ko uski purani jagah wapas lana.
  • Permanent: Jo hamesha ke liye khatam ho jaye.

Aaj ki Practice

1. Apne "My Practice" folder mein kisi file ko Copy karein aur Desktop par Paste karein.
2. Us file ka naam badal kar "Test_File" rakhein.
3. Use Delete karein aur Recycle Bin se Restore karke dekhein.
4. Shift + Delete ka use karke kisi bekaar file ko permanently delete karein.
Tip: "Office mein hamesha 'Copy' ka zyada istemal karein jab tak aap confirm na hon. Isse agar nayi jagah galti ho jaye, toh purani file safe rehti hai!"
← Previous Home Next →
Home | About | Index | Welcome | Contact | Privacy Policy

Comments

Post a Comment

Popular posts from this blog

Computer ON OFF Kaise Karein (Desktop & Laptop) | 01

Lesson 01: Computer/Laptop ON aur OFF Kaise Karein? Hinglish English हिन्दी Table of Contents Desktop ON Kaise Karein? Laptop ON Kaise Karein? OFF (Shut Down) Kaise Karein? Hinglish Glossary Important Tip Aapne aksar dekha hoga ki office mein log aate hi fatfat kaam shuru kar dete hain. Lekin ek naye insaan ke liye sabse bada sawaal yahi hota hai ki — "Bhai, ye button kahan hai?" 💡 Agar aapko yeh sab basic lag raha hai, toh yaad rakhiye — har expert ne yahin se start kiya tha. Yeh step strong hoga, toh aage ka learning easy ho jayega. Is post mein hum desktop aur laptop dono ko sahi se chalana aur band karna sikhenge. 📌 Is lesson ke baad aap confidently computer ON aur OFF kar paayenge — bina kisi help ke. 1. Computer (Desktop) ON Kaise Karein? Desktop wo hota hai jisme dabba (CPU) aur scre...
Read more

HTML Symbol Codes: CSS, Unicode, Arrows, Currency

Copy and paste HTML symbol codes, Unicode characters, CSS codes, decimal and hex values for arrows, currency, math symbols and more. This tool lets you instantly search, filter and copy HTML, CSS and Unicode symbol codes without scrolling through long static lists. What are HTML symbol codes? HTML symbol codes are used to display special characters like arrows, currency signs and math symbols on websites. You can use HTML entities, Unicode, CSS content codes, decimal or hex values. Symbol Reference HTML, CSS & Unicode symbol codes Find your symbol. Copy the code. Done. Sym Name Cat Named Decimal Hex CSS Unicode Win Mac Use Win: Win + . opens symbol picker  |  Mac: Ctrl + Cmd + Space opens character viewer  |  Mobil...
Read more

File Kya Hai aur Inhe Pehchaane Kaise : Lesson 10 — ComputerSeekhoAurJobPao

Lesson 10: File Kya Hai aur Inhe Pehchaane Kaise? Hinglish English हिन्दी Aap Kya Seekhenge? File ki Pehchaan (Extension) Office ki Common Files File ki "Property" aur Details View Refresh Karna: F5 Shortcut Folder ek "Dabba" hai, lekin uske andar jo saaman hota hai usey File kehte hain. Computer mein har ek photo, letter ya gaana ek file hi hai. 1. File ki Pehchaan (Extension) Jaise hamare naam ke piche 'Surname' hota hai, waise hi har file ke naam ke piche ek Extension hota hai jo batata hai ki wo kis tarah ki file hai. Example: Report.docx Yahan "Report" file ka naam hai aur .docx batata hai ki ye ek Word Document hai. 2. Office mein kaam aane wali Common Files File Type Extension Kya hota hai? ...
Read more